ਦੇਵਗਨ ਭਰਾਵਾਂ ਨੇ ਭੈਣ ਮਨਪ੍ਰੀਤ ਨੂੰ ਤੋਹਫ਼ੇ ਵਿੱਚ ਦਿੱਤਾ 50 ਲੱਖ ਦਾ ਆਲੀਸ਼ਾਨ ਘਰ, ਭਾਵੁਕ ਹੋਈ ਭੈਣ ਨੇ ਭਰਾਵਾਂ ਅਤੇ ਭਰਜਾਈਆਂ ਸਿਰ ਵਾਰਿਆ ਪਿਆਰ

ਲੁਧਿਆਣਾ


ਲੁਧਿਆਣਾ ਦੇ ਰਹਿਣ ਵਾਲੇ ਮਸ਼ਹੂਰ ਡਿਜੀਟਲ ਕੰਟੈਂਟ ਕ੍ਰਿਏਟਰ ਅਤੇ ਅਦਾਕਾਰ ਭਰਾਵਾਂ, ਅਮਰ ਦੇਵਗਨ ਅਤੇ ਦੇਵ ਦੇਵਗਨ ਨੇ ਭੈਣ-ਭਰਾ ਦੇ ਰਿਸ਼ਤੇ ਦੀ ਇੱਕ ਅਜਿਹੀ ਮਿਸਾਲ ਪੇਸ਼ ਕੀਤੀ ਹੈ, ਜਿਸ ਨੇ ਸਭ ਦਾ ਦਿਲ ਜਿੱਤ ਲਿਆ ਹੈ। ਦੋਵਾਂ ਭਰਾਵਾਂ ਨੇ ਆਪਣੀ ਇਕਲੌਤੀ ਭੈਣ ਮਨਪ੍ਰੀਤ ਕੌਰ ਬਿਰਦੀ ਨੂੰ 175 ਗਜ਼ ਦਾ ਇੱਕ ਆਲੀਸ਼ਾਨ ਘਰ ਤੋਹਫ਼ੇ ਵਜੋਂ ਦਿੱਤਾ ਹੈ, ਜਿਸ ਦੀ ਕੀਮਤ ਕਰੀਬ 50 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਜਦੋਂ ਭਰਾਵਾਂ ਨੇ ਸਰਪ੍ਰਾਈਜ਼ ਦਿੰਦੇ ਹੋਏ ਨਵੇਂ ਘਰ ਦੀ ਨੇਮ ਪਲੇਟ ਤੋਂ ਪਰਦਾ ਹਟਾਇਆ ਅਤੇ ਉਸ 'ਤੇ ਆਪਣਾ ਨਾਮ ਲਿਖਿਆ ਦੇਖਿਆ, ਤਾਂ ਮਨਪ੍ਰੀਤ ਆਪਣੇ ਹੰਝੂ ਨਾ ਰੋਕ ਸਕੀ ਅਤੇ ਭਾਵੁਕ ਹੋ ਕੇ ਭਰਾਵਾਂ ਦੇ ਗਲੇ ਲੱਗ ਗਈ।
ਦੇਵਗਨ ਪਰਿਵਾਰ ਆਪਣੀ ਸਾਫ਼-ਸੁਥਰੀ ਕਲਾਕਾਰੀ ਅਤੇ 'ਲਾਡਲੀਆਂ', 'ਬੂਹੇ ਬਾਰੀਆਂ' ਅਤੇ 'ਬੋਲ ਮਿੱਟੀ ਦਿਆ ਬਾਵਿਆ' ਵਰਗੀਆਂ ਦਿਲ ਨੂੰ ਛੂਹ ਲੈਣ ਵਾਲੀਆਂ ਵੈੱਬ ਸੀਰੀਜ਼ ਲਈ ਜਾਣਿਆ ਜਾਂਦਾ ਹੈ। ਸਾਲ 2007 ਵਿੱਚ ਪਿਤਾ ਦੇ ਸਾਇਆ ਸਿਰ ਤੋਂ ਉੱਠ ਜਾਣ ਤੋਂ ਬਾਅਦ, ਅਮਰ ਅਤੇ ਦੇਵ ਨੇ ਆਪਣੀ ਭੈਣ ਨੂੰ ਕਦੇ ਪਿਤਾ ਦੀ ਕਮੀ ਮਹਿਸੂਸ ਨਹੀਂ ਹੋਣ ਦਿੱਤੀ। ਮਨਪ੍ਰੀਤ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਖੁਸ਼ੀ ਸਾਂਝੀ ਕਰਦਿਆਂ| ਦੇਵ ਦੇਵਗਨ ਜਿੱਥੇ ਆਪਣੀਆਂ ਦੋਵਾਂ ਧੀਆਂ ਨੂੰ ਬੇਹੱਦ ਪਿਆਰ ਕਰਦੇ ਹਨ, ਉੱਥੇ ਹੀ ਉਹ ਆਪਣੀ ਭੈਣ ਅਤੇ ਭਰਾ ਦੀ ਪਤਨੀ (ਦੀਪ ਦੇਵਗਨ) ਨੂੰ ਵੀ ਆਪਣੀਆਂ ਧੀਆਂ ਵਾਂਗ ਹੀ ਸਤਿਕਾਰ ਦਿੰਦੇ ਹਨ।
ਇਸ ਨੇਕ ਕਾਰਜ ਵਿੱਚ ਦੋਵਾਂ ਭਰਜਾਈਆਂ, ਮਿੰਦੋ ਦੇਵਗਨ ਅਤੇ ਦੀਪ ਦੇਵਗਨ ਨੇ ਵੀ ਪੂਰਾ ਸਹਿਯੋਗ ਦਿੱਤਾ, ਜਿਸ ਦੀ ਮਨਪ੍ਰੀਤ ਨੇ ਰੱਜ ਕੇ ਤਾਰੀਫ਼ ਕੀਤੀ ਹੈ। ਦੇਵ ਦੇਵਗਨ, ਜੋ ਬਿਗ ਬੌਸ ਸੀਜ਼ਨ 10 ਦਾ ਹਿੱਸਾ ਵੀ ਰਹਿ ਚੁੱਕੇ ਹਨ, ਨੇ ਦੱਸਿਆ ਕਿ ਉਹ ਪਿਛਲੇ 5 ਸਾਲਾਂ ਤੋਂ ਇਸ ਸਰਪ੍ਰਾਈਜ਼ ਦੀ ਪਲਾਨਿੰਗ ਕਰ ਰਹੇ ਸਨ। 13 ਜੂਨ ਨੂੰ ਮਨਪ੍ਰੀਤ ਦੇ ਜਨਮਦਿਨ ਮੌਕੇ ਇਸ ਨਵੇਂ ਘਰ ਵਿੱਚ ਪਾਠ ਕਰਵਾ ਕੇ ਗ੍ਰਹਿ ਪ੍ਰਵੇਸ਼ ਕੀਤਾ ਜਾਵੇਗਾ। ਸੋਸ਼ਲ ਮੀਡੀਆ 'ਤੇ ਲੋਕ ਇਸ ਪਰਿਵਾਰ ਦੇ ਆਪਸੀ ਪਿਆਰ ਅਤੇ ਏਕਤਾ ਦੀਆਂ ਸਿਫ਼ਤਾਂ ਕਰਦੇ ਨਹੀਂ ਥੱਕ ਰਹੇ।

---

Famous Punjabi creators Amar and Dev Devgan surprise their sister Manpreet Birdi with a new house worth 50 lakhs in Ludhiana, showcasing an emotional bond and true family values.

मशहूर पंजाबी कलाकार अमर और देव देवगन ने अपनी बहन मनप्रीत बिरदी को लुधियाना में 50 लाख का घर तोहफे में दिया। पिता के निधन के बाद भाइयों ने निभाया पिता का फर्ज, सोशल मीडिया पर वायरल हुई भावुक वीडियो।